Where Women Have No Doctor (မၞိဟ်ဗြဴဗြဴပ္ဍဲဌာန်ဟၟဲကဵုအ္စာသဝ်)
လိက်လလောင်ကဵုသမ္တီ
နူဂကောံမင်မွဲအာဲကၟာဲလိက်ပတ်မန် (ကၟိန်ဍုင်အမေရိကာန်)
ပိုဲဂွံအာတ်ပါန်လဝ်အခေါင် ကုဂကောံ Hesperian Foundation မတန်တဴပ္ဍဲဍုင်အမေရိကာန် မဒှ်ဂကောံမူလမခၞံဗဒှ်လဝ်လိက်ဏအ် ဗွဲဘာသာအေဂႅလိက်ဂှ်တုဲ၊ ကုလိက်ဏအ် သွက်ပိုဲဂွံကၠာဲစၠောံဘာသာမန်ပိုဲကီုဂှ် ပိုဲကလိဂွံလဝ်အခေါင် နူဂကောံညးတအ်ဗဗွဲဓဝ်တုဲရ။ ပွမကၠာဲဘာသာတရးပ္တိတ်တဴလိက်ဏအ်ဂှ် တၞဟ်နဂွံဂၠာဲစသြန်ပရဲပရင်ဟွံသေင်၊ သွက်ဂွံတရးဗစိုပ်ကဵုဇရေင်ညးမဗှ်လိက်တအ် သီုဟွံကေတ်ၚုဟ်မး ဗွဲဓမ္မဒါနရောင်မ္ဂးဂှ်ကီု၊ ယဝ်ဒးတရးသွံတဴမ္ဂးလေဝ် သွက်ဂွံတရးသွံအာ ဆၚုဟ်မးအနှေန်တမ်ဟေင်ရောင်မ္ဂးဂှ်ကီု ပိုဲတုပ်စိုတ်သ္ပလဝ်ကတ္တိက ကဵုဂကောံညးတအ်တုဲရ။
ညံင်သာ်ဂှ်ကီုရ ကုလိက်ပိုဲမကၠာဲလဝ်ဘာသာမန် မတရးပ္တိတ်လဝ်လၟုဟ်ဏအ်ဂှ်လေဝ် ယြဴပူဂဵုမွဲမွဲ (ဝါ) ယြဴဂကောံမွဲမွဲ ရန်တၟအ်ကဵုလိက်ဗဟုသုတဏအ် သ္ဂောံတရးပြာကတ်တိုန်ဂၠိုင်င်ညိဂးတုဲ ယဝ်မိက်ဂွံထပ်ပ္ဍဵုဗီုတက် တရးပ္တိတ်ကီုရောင်ယဝ်ဒှ်မ္ဂး ဗွဲကိုပ်ကၠာဒးအာတ်အခေါင်နူဂကောံပိုဲ ဂကောံမင်မွဲအာဲကၟာဲလိက်ပတ်မန်ဝွံတုဲ အတိုင်လၟေင်သၞောဝ်မဟွံကေတ်စပရဲပရင်ဟေင် ဒးတုပ်စိုတ်ဒ္ဂေတ်တဴကီုရောင်အဴ။
ယဝ်မိက်ဂွံကေတ်အဆက်ကဵုဂကောံညးတအ်မ္ဂး ဌာန်ဒမံင်ဂကောံညးတအ်ဂှ် ထ္ၐးလဝ်ဗွဲသၟဝ်ဝွံရ။
The Hesperian Foundation
1919 Addison Street Ste. 304
Bakeley, Ca 94704
USA
လိက်အုပ် ” where Women Have No Doctor” (မၞိဟ်ဗြဴဗြဴပ္ဍဲဌာန်ဟၟဲကဵုအ္စာသဝ်) ဝွံ ဗွဲဘာသာအေဂႅလိက်ဂှ် သီုဖအိုတ်နွံတဴ(၃၁)ခန်ရ။ မွဲခန်တုဲမွဲခန်ပၠန် ပိုဲကၠာဲဘာသာတရးပ္တိတ်အာရောင်အဴ။ “Women’s Health is a Community Issue” (ပရေင်ထတ်ယုက်မၞိဟ်ဗြဴဗြဴမ္ဂး ဒှ်ပၟိက်ကိစ္စအလုံဍုင်ကွာန်ဌာန်မၞိဟ်ရောင်) ဝွံဂှ် မဒှ်ခန် (၁) ကိုပ်ကၠာအိုတ်ရ။ ယဝ်မိက်ဂွံကေတ်အဆက်ကဵုဂကောံပိုဲမ္ဂး ဌာန်ဒမံင်၊ ဂၞန်ဖုင်၊ အဳမေ(လ်)တအ်ဂှ် ထ္ၐးလဝ်ဗွဲသၟဝ်ဝွံရ။
ဂကောံမင်မွဲအာဲကၟာဲလိက်ပတ်မန်
Mon Language Preservation Organization (MLPO) 814 Larch Lane Fort Wayne, IN 46825 USA
Phone: (260)483-2045 Email(1): [email protected] Email(2): [email protected]