မါတိကာ
ကတ်လ္ၚတ်တဴလိက်ပတ်မန် နူဇာတ်မသုန်ကၠံမသုန်စှ်ော
မူလလိက်ကျာ်ဇၞော်အ္စာတၠအစွောအ်
ယွံကောန်ဂကူမန် ညးမဆာန်ဂကူဆာန်လိက်ပတ်ညးမစွံၚုဟ်မးကဵုအာဲကၟာဲလိက်ပတ်မန်တအ်ညး ဂမၠိုၚ်အဴ၊ သြဝ်ကဵုဂွံဒှ်တဴမ္ၚဵုမပြဲအိုတ်ညိ၊၊ ညံၚ်ပိုဲညးဂမၠိုၚ် ကတ်လ္ၚတ်အာလိက်ပတ်မန်ညိရ၊၊
လိက်ဇာတ်မသုန်ကၠံမသုန်စှ်ော ဘာသာမန်ဝွံဂှ် ကျာ်ဇၞော်အ္စာတၠအစွောအ် မစိုန်ဒှ်တဴအ္စာကဝိမန်ပိုဲတၠဒ ယှ်တှ်ဂှ် ကာလအယုက်ညးဂွံပေၚ်(၈ဝ)ဂှ် ညးကၠာဲပတိတ်နၚ်နူပါဠိတုဲ မချူဇန်သတပ်လဝ် နဘာသာ မန်မဒှ်ရ၊၊ လိက်ဝွံ ဍိုက်ပေၚ်ကဵုလ္ၚဝ်ဂုဏ်လိက်ၜါပြကာ မတွံဂးသုတဂုဏ်ရသဂုဏ်ရ၊၊ ဝေါဟာရမန်ပိုဲ လေဝ် ဂၠိုၚ်ဂၠၚ်လှဲလးသန်၊၊ သဒ္ဒါမန်ပိုဲလေဝ် ခိုၚ်ကၠိုက်ဗိုန်က္ညန်သန်၊၊ ဇၟန်လိက်မန်ပိုဲလေဝ် ကျေဝ်ဂေါဝ် ဆာဲသန်၊၊
ရန်ကဵုသၟတ်မန်ဂမၠိုၚ် ညးမၞုံဝါသနာကဵုလိက်ပတ် ညးမသၟိက်ဂွံမၚ်မွဲဗဂဵုလဟဵုတဴလိက်ပတ်မန်တအ် တၞဟ်နဂွံကတ်လ္ၚတ်အာဝေါဟာရမန်၊ သဒ္ဒါမန်၊ ဇၟန်လိက်မန် မဒှ်လိက်ပတ်မန်တြေံမခိုၚ်ကၠိုက်တအ် ဂှ် လှဲလှဲလးလး ဇိပ်ဇိပ်ဂၠိပ်ဂၠိပ်ညိဂးတုဲ ပိုဲပံက်ဗဒှ်လဝ် ကဏ္ဍကတ်လ္ၚတ်လိက်ဇာတ်မသုန်ကၠံမသုန်စှ်ော ဏအ်မဒှ်ရ၊၊ မွဲဇာတ်တုဲမွဲဇာတ်ပၠန် ပိုဲပတိတ်ထ္ၜးအာလၟေၚ်ၚ်ရောၚ်၊၊ သၟတ်မန်တအ်ညးဂမၠိုၚ် ပ္ဍဲမကတ် လ္ၚတ်လိက်ပတ်မန်ဂှ် တၞဟ်နဂွံလောဲသွာ ဂွံဒှ်အထံက်ပၚ်ညိဂးတုဲ ဝေါဟာတၚ်ဏှ်တအ်ဂှ် နာဲသက် လောန်ပံက်ပျးကဵုလဝ်အဓိပ္ပါယ်ရ၊၊
ညံၚ်ဇကုဂွံလေပ်လိက်မန်အဆံၚ်သၠုၚ် ညံၚ်ဇကုဂွံဆိုက်ဗ္ဒက်ခံၚ်တဴ ပ္ဍဲကွတ်ဇၟန်လိက်မန်ဂှ် ညးညးအဲအဲ စွံစိုတ်သ္ဇိုဟ်နက် ကဵုအခိၚ်ကေတ်အခိၚ်တုဲ သြဝ်ကတ်လ္ၚတ်ပ္ဍေန်ပ္ဍဟ်အာဗိုန်ဗိုန်အိုတ်ညိဂှ် မဒးဖအောဝ် လဴဗတိုက်ဗတောန်ဆဝ်ပ္ၚုဟ်ဏာ နဓဝ်မေတ္တာရအဴ၊၊ ကဵုအခိၚ်တုဲကတ်လ္ၚတ်ဍာံမ္ဂး လိက်ပတ်မန်ဇကုရ ဟွံလေပ်ဒုၚ်မာန်ဟာ၊ ကြက်ဒးလေပ်ဆိုက်ဗ္ဒက်ကၠုၚ် ဗွဲစၟတ်ဨကန္တဟေၚ်ရ၊၊ လိက်ဂကူညးတၞဟ်တအ်ဂှ် ကီုလေဝ် ကဵုအခိၚ်တုဲ ပလွဳကတ်လ္ၚတ်မာန်ဏီမ္ဂး လိက်ဂကူမန်ဇကုအရၚ်ဂှ် ဒးကဵုအခိၚ်မာန် ဒးပလွဳ ကတ်လ္ၚတ်မာန်ဟေၚ်ရ၊၊
ဇၟာပ်ကောန်မန် ဒးလေပ်လိက်မန် ဆိုက်က်ဗ္ဒက်က်ဟေၚ်၊၊
လိက်ပတ်မန် ဒးဂဵုလဟဵုရာၚ်ဆာဲတိုန်မွဲဝါပၠန်ဟေၚ်ရောၚ်၊၊
နိဒါန်အာစာအစွောံ
ရာဇာဓိရာဇံ အဂ္ဂမုနိန္ဒံ၊
ဓမ္မဉ္စ သံဃဉ္စ နမာမဟံ၊၊
အဟံ ခုဒ္ဒကနိကာယသုတ္တံ၊
ယထာရဟညာဏံ ကရိဿာမိ၊၊
ရာဇာဓိရာဇံ၊ တဳလဂှ်ဒ မစိုန်ဒှ်တဴသၟိၚ်မွဲ မပြဲနူသၟိၚ်ဂမၠိုၚ်၊၊ အဂ္ဂမုနိန္ဒံ၊ န်ကျာ်တြဲသၟိၚ်ခမဳ မစိုန်ဒှ်တဴ ကၞောတ်ညးမပြဲဂှ်၊၊ အဟံ၊ ၚ်အဲ၊၊ နမာမိ၊ ပ္ဍံလ္ၚောဝ်ရအဴ၊၊ ဓမ္မဉ္စ၊ န်ဓဝ်လောကုတ္တဵုဒ္စိတ်ပြကာ မဒ္ဂေတ် တဴကေုာံပရိယတ္တိပိဂှ်၊၊ အဟံ၊ ၚ်အဲ၊၊ နမာမိ၊ ပ္ဍံလ္ၚောဝ်ရအဴ၊၊ သံဃဉ္စ၊ န်သၚ်ၜါပြကာ မတွံဂး အရိ ယသၚ်ကဵုသမုတ္တိယသၚ်ဂှ်၊၊ အဟံ၊ ၚ်အဲ၊၊ နမာမိ၊ ပ္ဍံလ္ၚောဝ်ရအဴ၊၊ တဒန္တရံ၊ ပ္ဍဲမသက်သၟိၚ်အဲလ္ၚောဝ် ကျာ်, အဲလ္ၚောဝ်ဓဝ်, အဲလ္ၚောဝ်သၚ်တုဲဂှ်၊၊ ခုဒ္ဒကနိကာယသုတ္တံ၊ န်သ္ကေံခုဒ္ဒကနိကာဲ သုတ်ဇာတ်မ သုန်ကၠံမသုန်စှ်ောဒေက်ပိဂှ်၊၊ ယထာရဟညာဏံ၊ အယာံမထေက်ကြိုက်ကဵုညာဏ်အဲဂှ်၊၊ ကရိဿာမိ အဟံ၊ ကြက်အဲစဳရေၚ်လဝ်ညိရအဴ၊၊
တိဏ္ဏံဝိဟာရဘောဂါဟံ၊
ကုလပုတ္တာနံ ဘိက္ခူနံ၊၊
ဟံသာဝတဳပုရတ္ထာယ၊
ကရိဿာမိ သုတ္တဝရံ၊၊
တိဏ္ဏံဝိဟာရဘောဂါဟံ၊ ၚ်အဲမၞုံပိုန်ဘာအစွောံတုန်ဂှ်၊၊ ဟံသာဝတဳပုရတ္ထာယ၊ တၞဟ်နဒတုဲမြမောဝ်ညး ဍုၚ်ရးဟံသာဝတဳတံညးဂမၠိုၚ်ဂှ်၊၊ ကုလပုတ္တာနံ ဘိက္ခူနံ၊ ကုခမဳကောန်ဂကူ မၞုံစိုတ်ပ္ဍဲကုသဵု မသၟိက်ဂွံ တွံဓဝ်ဒၠောံဗ္တောန်ညးတံဂှ်၊၊ သုတ္တဝရံ၊ န်ဓဝ်သုတ်မပြဲဂှ်၊၊ ကရိဿာမိအဟံ၊ ကြက်အဲစဳရေၚ်ခၞံလဝ်ညိအဴ၊၊
မူသၟိက်ဂးဂါထာဝွံပၠန်တုန်ရော၊ အဲနွံပိုန်ဘာအစွောံပၠန်တုန်ဂှ်၊ တၞဟ်နဒတုဲမြမောဝ်ညးဍုၚ်ရးဟံသာဝ တဳတံညးဂမၠိုၚ်၊ ဓဝ်ကရုဏာ ဗိုၚ်ဗတိုက်စိုတ်အဲဂှ်ဒှ်တုဲ၊ ကုခမဳကောန်ဂကူ တၠဝါသနာ မပအာတဴ စိုတ်ပ္ဍဲဓဝ်ကုသဵု မဟွံၚဳကဵုအတိရေကလာဘ၊ မလျုၚ်လဝ်သုဒ္ဓစေတနာမသ္အး သၟိက်ဂွံဟံၚ်ပြာ်ညး ဟံၚ် ပြာ်ဇကု သၟိက်ဂွံဏာဗစိုပ်ကဵုကၟိန်မြုနိဗ္ဗာန်ဂှ်ဒှ်တုဲ၊ သ္ကေံခုဒ္ဒကနိကာဲ မဒှ်တဝှ်ဇာတ်မသုန်ကၠံမသုန်စှ်ော ဒေက်ပိတံဂှ်ဟေၚ် အဲစဳရေၚ်ခၞံဗဒှ်လဝ်ညိအဴ၊၊
ပြကိုဟ်ခုဒ္ဒကနိကာဲ၊ သုတ်ဇာတ်မသုန်ကၠံမသုန်စှ်ောဒေက်ပိ မပ္တံအပဏ္ဏကဇာတ် ဨကနိပါတ် မဒှ် တမ်အိုတ်ဂှ် ကျာ်တြဲမတွံရ၊၊