သွက်ကွးဘာကောန်ဂကူမန်ဂမၠိုင်
ပ္ဍဲခေတ်ကာလာတ္ၚဲဏအ်ဂှ် ပညာသိပ္ပံဇၞော်မောဝ်တောတက်ဒၟံင် ဗွဲမလောန်ထောန် စိုပ်ကဵုကၞောတ် စိုပ်ကဵုအထောတ် စိုပ်ကဵုလအိတ်ရောင်ဂှ် ညးညးအဲအဲ တီဒၟံင်သီုညးဖအိုတ် သ္ဇက်ဟီုဟွံမွဲရ။ ဂုဏ်ဖဵုကွတ်ပညာသိပ္ပံဂှ်လေဝ် ဂၠိုင်လောန်က္ဍင်သန် ဟီုရိုဟ်ရေင်ဟွံမာန်ရ။ လောန်ကၠုင်ဘာ်ဗွဝ်ကၠံသၞာံပြင်တေံရ မၞိဟ်တအ်ဂွံတိုန်စိုပ်ဖျေံလဝ်ဇိုင် ပ္ဍဲလတူဂၠးသၟိင်ဂိတုတေံတုဲရ။ လောန်ကၠုင်ခြာဟွံလအ်က္ဍင်ဏီဂှ်ရ ယာန်အာဂာာသ အမေရိကာန်တအ်ဗလးပတိုန်ဏာဂှ် ဗွဲမအံင်ဇၞး ဂွံတိုန်စိုပ်အာလဝ် ဒဵုကဵုလတူဂၠးဂြိုဟ်အၚာတေံတုဲ ဂွံတက်ဖျေံနင်ဗီုရုပ်ဓါတ်ဂမၠိုင်တုဲရ။ ၐိုန်ဂှ်လေဝ် ဗဟုသုတစပ်ကဵုအသဝ်ကွတ်ပညာသိပ္ပံဂှ် ပ္ဍဲဘာသာပိုဲမန်ဂှ် အောန်ဒၟံင်ဗွဲမလောန်ဏီရောင် ဂွံညာတ်ကေတ်တုဲဂှ် ပိုဲချပ်တိုန်သွက်ဂွံဂစာန်ကၠာဲဘာသာမန်ပိုဲ တၞဟ် နဖဵုကွးဘာကောန်ဂကူမန်တအ်ညးဂမၠိုင်ကီုရ။ နူကဵုဘာသာအေဂႅလိက် ပ္ဍဲမကၠာဲစၠောအ်ဘာသာမန်ဂှ် ဗွဲမဒးရးကဵုဘာသာမန် ပိုဲဒးခၞံဗဒှ်လဝ်ဝေါဟာရတၟိဂမၠိုင်လေဝ်နွံရ။ ဗွဲကိုပ်ကၠာပထမဏအ် သဇိုင်ဗဟုသုတသိပ္ပံ စပ်ကဵုသၟိင်ဂိတုပိုဲဂှ် ပိုဲကၠာဲဗဒှ်လဝ်ဘာသာမန်ရ။ ကောန်ဂကူမန်ပိုဲတအ်ညးဂမၠိုင်ဗှ်လ္ၚတ်တုဲမ္ဂး စပ်ကဵု ပွမကၠာဲဘာသာမန်တုဲ ဂလာန်ကသပ်လညာတ်ဇကုတအ်ဂှ် ပလံင်ဗစိုပ်နင်ကဵုပိုဲမာန်ရ။ လိက်ပတ်ပိုဲမန်တ္ၚဲဏအ် သြဝ်ကဵုဇၞော်မောဝ်ရာင်ဆာဲတိုန်မွဲဝါပၠန်ညိအဴ။
နာဲသက်လောန်
ဂကောံမင်မွဲအာဲကၟာဲလိက်ပတ်မန်
(ကၟိန်ဍုင်အမေရိကာန်)
ဂိတု(၆)။ တ္ၚဲ(၂၅)။ သၞာံ(၂၀၁၉)။
Email:[email protected]